كشتتنا في شعيب جراب و ربيعه الجذاب .. 18-19 / 2 / 1431 هـ

[ذيب الصفرات]

بسم الله الرحمن الرحيم

كشتتنا يوم الإثنين و الثلاثاء 18 - 19 / 2 / 1431 هـ في شعيب جراب

شعيب جراب يبعد عن الرياض تقريبا ً 300 كيلو حتى توصل لمدخل الشعيب ..

يتميز بربيعه الجذاب و باطن الشعيب أرض رملية و طلحه يوسع الصدر تقول كأنكـ بغابة

وكلما دخلت للشعيب اكثر كلما زاد الربيع أكثر .. لكن طبعا ً لا يقارن ربيعها بالفياض

يعيب الشعيب كثرت الكشاته اللي فيه .. لكن الحمد لله رحنا وقت اختبارات وفي وسط الأسبوع وماكان فيه أحد


عدد أفراد الكشته : شخصين ( 2 نفر ) .. لن أطيل عليكم أكثر من كذا ..

.. أترككم تستمتعون بالصور .. الصور من نوع كميرا: canon 500D & sony H50


طريق حفر الباطن




صور من داخل الشعيب








ربيع جراب .. يزيل الأتعاب












ابو حمد .. بدأ يحكر القهوة على الصباح





وهذا الفطور جاهز .. أنا أشهد بالله إنها حكرهـ




والبريق مخدر ..




ونرجع لكم بصور من الربيع







صورة يندى لها الجبين ، هذهـ الطلحة لها أكثر من 50 سنة ، والكشاته ما بقو منها شئ




صورة للشعيب .. و السحاب متراكب





الأجواء جميلة ، و كان علينا رش ، وقمنا و ركبنا خيمتنا خوفا ً من أن يقوى المطر





صور لجلستنا بعد ما ركبنا الخيمة ..














الجو كان متقلب لكن بالليل برد الجو .. و شبينا على الضوء و العشاء (ما صورت العشاء لوجود خلل )





بعد العشاء تم الخلود إلى النوم .. لكن البروق و الرعود ما خلتنا في نومنا نتهنى .. و لما جت الساعة 10 الليل
جتنا مطرهـ قوية على طول ضفينا خيمتنا ونطلع من الشعيب ..




المطر استمر حتى الساعة 7 صباحا ً بشكل متقطع .. و الأرض غرقانه و ما سالت إلا الشعبان الصغيرات




دخلنا للشعيب مرة ثانية .. وأبو حمد شابن على القهوة





وجهزنا وجبة الإفطار ( صبيبات - مراصيع ) .. في هذه الصورة سر الخلطة









صورة للجلسة ..





الربيع في هذه المنطقة أفضل من اللي قبل














وهذهـ إهداء لكم .. وإن شاء الله تعجبكم و تكون على مستواكم ..






.:: ذيـــــــ الصفرات ــــــــب ::.

[نايف السيف]

ماشاء الله

كشتة زينة بس ما كأن العدد قليل جدا

[حمد الصفرات]

يا ما شاء الله
صور تفتح النفس مع نهاية الاختبارات
لا خلا ولا عدم من طرحك المميز أخي (ذيب الصفرات)
ننتظر جديدكـ دومــــا ..

(يستحق التثبيت)

[ولد البلاد]

ماشاء الله ماشاء الله... طلعه تب وكفيت ووفيت يا ذيب الصفرات ... تصوير نموذجي واحترافي


ولا انحرمنا من جديدك المتميز دائما

تقبل مروري

[سعد]

يعطيك العافيه اخوي (ذيب الصفرات)كشته ولا احلى وتصوووير احترافي ..

[الأمير]

الله يعطيك العاافيه ياذيب الصـفرات ..

ماشاءالله شعييب من احسن مايكووون .. والربيع فيه يفتح النفس

والصور اكبر من الكلاااام والله .. لـقطات موفقه والبانوراما كلام ثااني

بس ياشكل نص الرحله رايح وقتك تصوويير ، الله يصبركم يااهل الكميرات


الف شكــر لك على التقرير

[ذيب الصفرات]

اقتباس: المشاركة الأصلية كتبت بواسطة نايف السيف    ماشاء الله كشتة زينة بس ما كأن العدد قليل جدا

حياكـ أخوي نايف .. بالنسبة للعدد ما عندك مشكلة
لأن الأغلب منشغل في اختباراته .. و ودنا نوسع الصدر ولو كنا شويين

اقتباس: المشاركة الأصلية كتبت بواسطة حمد الصفرات    يا ما شاء الله صور تفتح النفس مع نهاية الاختبارات لا خلا ولا عدم من طرحك المميز أخي (ذيب الصفرات) ننتظر جديدكـ دومــــا .. (يستحق التثبيت)

حي ابو عبدالله .. عقب الإختبارات كل شئ يفتح النفس
من ذوقكـ يا أخيي .. ابشر باللي يسركـ
الله يسلمكـ ..

اقتباس: المشاركة الأصلية كتبت بواسطة ولد البلاد    ماشاء الله ماشاء الله... طلعه تب وكفيت ووفيت يا ذيب الصفرات ... تصوير نموذجي واحترافي ولا انحرمنا من جديدك المتميز دائما تقبل مروري

هلا والله بولد البلاد .. حياكـ ربي يا بعد حيي
من ذوقكـ الله يسلمكـ .. ابشر بسعدكـ

اقتباس: المشاركة الأصلية كتبت بواسطة سعد    يعطيك العافيه اخوي (ذيب الصفرات)كشته ولا احلى وتصوووير احترافي ..

الله يعافيكـ أخيي سعد .. الله يسلمكـ
مروركـ أسعدني

اقتباس: المشاركة الأصلية كتبت بواسطة الأمير    الله يعطيك العاافيه ياذيب الصـفرات .. ماشاءالله شعييب من احسن مايكووون .. والربيع فيه يفتح النفس والصور اكبر من الكلاااام والله .. لـقطات موفقه والبانوراما كلام ثااني بس ياشكل نص الرحله رايح وقتك تصوويير ، الله يصبركم يااهل الكميرات الف شكــر لك على التقرير

الله يعافيكـ يا أميرنا .. إيه ما يحتاج يستاهل العنوهـ ، و لو ما ارتبطنا بموعد وإلا كان كملناها بيوم أو يومين ..
الله يسلمكـ أخجلت تواضعي .. من ذوقكـ .. وماشاء الله عندنا محترف تصوير وما ندري ..

هذهـ أول تجربة لي في البانوراما وإن شاء الله أكون وفقت فيها ..
لا ابشركـ الليل تطفى الكميرا .. لكن النهار نصور هاللربيع اللي يفتح النفس ..

حياكـ ربي .. شرفت موضوعي


--------

أشكر كل من مر على الموضوع .. ولا تحرمونا من نقدكم البناء و مروركم العاطر

[ماجد]

[align=center]
طلعة حلوة

بس وراكم سحبتوا على البقية.

خايفين يعاديهم ابو جندل

ههه مرعبهم والله يا ابوجندل المجندل
تحياتي للجميع

اما ابو جندل فلك سلامي *** بعدما كسرت العيون اليابسات

[حامل المسك]

ماشاء الله طلعه روووعه..الربيع والامطار يفتح النفس..
اما الصبيبات.خورافيه..انوااع التسمم..
الله يهنيكم بطاعته ..
تسلم على التقرير يالغالي..

[أبو المنتصر الصفراوي]

ما شاء الله تبارك الله على طلعه زينه والله سعت صدر وفلة الحجاج الله يهنيكم على طلعه حلوها

والله يعطيكم آلف عافيه على صور الجميله تسلم يا ذيب

[الجندي المجهول]

ماشاء الله طلعتن وش زينها ..
الله يوسع صدوركم بالعافية ...

[زعيم الصفرات]

وش هالزين كشته تفتح النفس دمت ودام ابداعك وكشتاتك

[ابو سند]

والله مسيكين ماصدق خلصت الاختبارت بس مكانكم روعة وتشكر على الصور ,,,,, ترا بدون اي مجاملة طالعه من القلب

[سندباد]

ماشاء الله عليك يالذيب يومين وتمشي فيها ثلاثمية كيلو انا اشهد ان شباب الصفرة كلهم ذيابة وراعين بر وكشتات.
شكرا لك من القلب متعتنا بهالصور الجميلة والتقرير الرائع. الله يسعدك ويوفقك يالغالي.

[((أبوعبدالعزيز))]

ماشاء الله تبارك الله
وش هالزين صور رائعة نقلتنا معكم لهذه الأماكن لا وجاكم مطر وش خليت
مشكور على التغطية المميزة

[يزيد]

ماشاء الله طبيعة واجواء روعة وموضوع اروع وراعي اللموضوع اروع واروع

مشكور اخوي اياد
بس ناقص الموضوع شي واحد وهو طلتك فيه يالغالي

[g3]

طلعهـ .. اروع ما يكووون صرااحة حيرة بينها وبين التيسية وااعدنا الشباااب بس والله شكلنا بنهون

[المداوي]

يعطيك العافيه مشالله لحقتو على المطر فيه الله يغيثنا


ماقصرت وتسلم يمينك

[ثــادق وللعز سـابق]

ماشاء الله

رحلة موفقه بالتوفيق لكم

[صقار الصفرات]

ماشاء الله على هل الكشته ولكان يليتك زايد في الصور وشكراً.